ᐱᔾᔪᑎᓕᒃ ᐃᓄᐃᑦ ᑐᓴᕈᑎᓕᕆᔩᑦ ᑲᓇᑕᒥ

ᐃᓄᐃᑦ ᑐᓴᕈᑎᓕᕆᔩᑦ ᑲᓇᑕᒥᑦ ᐅᑭᐅᖅᑕᖅᑐᕐᒥᐅᓂᑦ ᐊᐅᓚᑦᑎᔨᖃᕐᖢᑎᒃ ᐱᔾᔪᓯᐊᖃᖅᑎᑦᑎᕙ ᒃᖢᑎᒃ ᐋᖅᑭᒃᑕᐅᔪᓂᑦ ᐃᓄᖕᓂᑦ ᐃᓄᖕᓅᖓᓪᓗᑎᒃ. ᑖᑯᐊ ᐃᓄᐃᑦ ᑐᓴᕈᑎᓕᕆᔨᖏᑦ ᐊᑐᕐᓂᖃᕐᔪᐊᖅᐳᑦ ᑭᒃᑯᑐᐃᓐᓇᕐᓄᑦ ᐃᖏᕋᑎᑕᐅᓗᓂ.

IBC-ᑯᑦ ᐃᖕᒥᓂᑦ ᐱᓕᕆᓐᖏᓚᑦ, ᑕᒪᒃᑯᓂᖓ ᑕᑯᒃᓴᐅᖃᑦᑕᖅᑐᓂᑦ ᑭᓯᐊᓂ ᑖᑯᐊ ᐃᓄᐃᑦ ᑐᓴᕈᑎᓕᕆᔨᖏᑕ ᓇᑲᑎᕆᔨᖏᓐᓂᑦ ᐋᖅᑭᒃᓱᐃᖃᑦᑕᖅᐳᑦ ᑕᑯᔪᒥᓇᖅᑐᓂᑦ ᐊᒻᒪᓗ ᐃᓕᔾᔪᑕᐅᔪᓐᓇᖅᑐᓂᑦ ᐃᒻᒪᓕᓴᕐᓂᑦ, ᐃᓄᐃᑦ ᑲᓇᑕᒥ ᐅᖃᐅᓯᖃᕐᒪᑕ ᐃᓄᒃᑎᑐᑦ, ᐊᒻᒪᓗ ᓄᑕᖅᑲᓄᑦ ᑐᕌᖓᔪᓂᑦ, ᓂᔾᔭᐅᓯᔭᖅᑎᓂᑦ, ᑲᑎᒪᔨᕐᔪᐊᓂᑦ, ᐊᒻᒪᓗ ᖁᕕᐊᓱᒃᑐᓂᑦ ᑕᒪᒃᑯᓂᖓ ᑐᕌᒐᖃᖅᐳᒍᑦ ᓴᕿᔮᖅᑎᑦᑎᖃᑦᑕᖅᐳᒍᑦ ᐃᓄᖕᓄᑦ. ᑖᑯᐊ ᑕᑯᒃᓴᐅᖃᑦᑕᖅᑐᑦ ᑭᒃᑯᑐᐃᓐᓇᕐᓄᑦ ᓴᕿᔮᖅᑎᑕᐅᔪᓐᓇᓐᖏᓚᑦ ᐅᕙᑦᑎᓐᓄᑦ.

ᑕᒪᓐᓇ ᑕᑯᒃᓴᐅᑎᖃᑦᑕᖅᑕᕗᑦ ᓄᓇᕐᔪᐊᓕᒫᒧᑦ ᐃᓕᓴᕆᔭᐅᓯᒪᔪᖅ ᐃᑲᔫᑎᖃᕐᓂᖓᓄᑦ ᑕᒪᒃᑯᓄᖓ ᐱᓕᕆᖃᑎᒌᖕᓂᖏᓐᓄᑦ  ᐱᕈᖅᐸᓪᓕᐊᓪᓗᓂ ᑐᓴᐅᒪᑎᑦᑎᔨᐅᓯᒪᓂᖅ ᐱᕙᓪᓕᐊᓂᕐᒧᑦ ᓄᓇᒋᔭᐅᔪᓄᑦ. ᐃᓕᓐᓂᐊᕈᑎᒋᕙᒃᑕᕗᑦ ᐱᕚᓪᓕᖅᓯᒪᔪᖅ ᓇᒧᓕᒫᖅ ᑲᓇᑕᒥᑦ ᑖᑯᐊ IBC-ᑯᑦ ᐃᓕᓴᕆᔭᐅᓯᒪᓕᖅᑐᑦ ᓄᓇᕐᔪᐊᓕᒫᒥᓪᓗ ᐊᓯᔾᔨᖅᑕᐅᔪᓐᓇᕋᑎᒃ.

ᐃᓄᐃᑦ ᓄᓇᓕᖏᑦ ᓄᓇᕗᒻᒥ ᐅᖓᓯᒌᒃᑑᑎᐊᓘᖕᒪᑕ. ᓄᓇᓖᑦ ᐊᕕᒃᑐᖅᓯᒪᓪᓗᑎᒃ ᐱᖓᓱᓐᖑᖅᓯᒪᓪᓗᑎᒃ. ᐊᒻᒪᓗ ᑖᒪᑯᐊ ᓄᓇᓖᑦ ᑭᓯᐊᓂ ᐃᖏᕐᕋᓲᑦ ᖃᖓᑕᓪᓗᑎᒃ ᐅᕝᕙᓘᓐᓃᑦ ᓯᑭᑑᒃᑰᕐᖢᑎᒃ. ᑕᒪᑯᐊ ᐊᖅᑯᑎᒋᔭᐅᔪᑦ ᓄᓇᓕᖕᓂᑦ ᐅᐊᔭᒧᑦ ᐊᐅᓚᑕᐅᕗᑦ IBC-ᑯᑦ ᑕᑯᒃᓴᐅᑎᖃᑦᑕᖅᑕᖏᑦ ᖁᑦᑎᒃᑐᒥᑦ ᐊᑦᑕᑕᖅᓯᒪᕗᑦ ᓇᒧᓕᒫᖅ ᐃᖏᕋᓪᓗᑎᒃ. APTN-ᑯᑎᒍᑦ ᑖᑯᐊ APTN-ᑯᑦ ᐃᓄᖕᓂᑦ ᑕᑯᒃᓴᐅᑎᑦᑎᖃᑦᑕᖅᑐᑦ ᐃᓄᐃᓐᓇᐅᖏᑦᑐᓂ ᐊᓪᓚᓂᒡᓗ ᐊᓪᓚᖓᔪᓂᒡᓗ ᑲᓇᑕᐅᑉ ᐃᓗᐊᓂᑦ ᓄᓇᕐᔪᐊᑉ ᐊᕙᓗᐊᓂᑦ.

IBC-ᑯᑦ ᑕᓪᓕᒪᓂᒃ ᑐᑦᑕᕐᕕᖃᖅᐳᑦ ᓄᓇᕗᑦ ᐃᓗᐊᓂ, 29-ᓂᒃ ᐃᓄᖕᓂᑦ ᐃᖃᓇᐃᔭᕐᑎᖃᕐᖢᑎᒃ ᐱᒋᐊᕐᓂᖃᕐᖢᑎ, ᐊᐅᓚᑦᑎᔨᒥᑦ ᐃᖃᓇᐃᔭᖅᑎᓄᑦ, ᓇᑲᑎᕆᔨᓄᑦ, ᐃᖃᓇᐃᔭᖅᑎᓄᑦ ᐊᖓᔪᖅᑳᖅ ᐃᓄᖕᓂᑦ ᐱᓕᕆᐊᖑᓪᓗᓂ ᐃᓄᖕᓄᑦ ᑐᕌᖓᓪᓗᓂ.

IBC-ᑯᑦ ᓄᑖᓂᑦ ᐃᓄᖕᓂᑦ ᐃᓕᓐᓂᐊᖅᑎᑦᑎᔭᕆᐊᓖᑦ ᑕᒪᒃᑯᓂᖓ ᐃᓄᓐᖑᐊᓂᑦ ᐊᒻᒪᓗ ᐊᐅᓚᔪᓂᑦ ᑎᑎᕋᐅᔭᒐᕐᓂᑦ ᐃᓕᓐᓂᐊᖅᑎᑦᑎᔪᒪᔪᑦ ᐃᓚᒋᔭᖃᕐᖢᑎᒃ National Film Board of Canada-ᑯᓐᓂ, IBC-ᑯᑦ ᓱᓇᒃᑯᑖᖃᖅᐳᑦ ᐃᓕᓐᓂᐊᕈᑕᐅᔪᓐᓇᖅᑐᓂᒃ ᐋᖅᑭᒃᑕᐅᓗᑎᒃ ᐃᑲᔪᖅᑕᐅᓪᓗᑎᒃ ᓄᓇᕗᑦ ᑎᑎᕋᐅᔭᖅᑎᖏᓐᓂᑦ ᑕᐃᑲᓂ Banff New Media Institute ᐊᐅᓚᑦᑎᓪᓗᑎᒃ ᑎᑎᕋᐅᔭᒐᕐᓂᑦ ᓴᕿᔮᖅᑐᒃᓴᓂᑦ.

IBC-ᑯᑦ ᑮᓇᐅᔭᑎᒍᑦ ᐃᑲᔪᖅᑕᐅᕗᑦ ᑖᒃᑯᓇᓐᖓᑦ Department of Canadian Heritage ᐊᓯᖏᓐᓂᓪᓗ ᓄᓇᕗᑦ  ᒐᕙᒪᑯᖏᓐᓂᑦ, ᐃᓂᒃᓴᖏᓐᓂᑦ ᑮᓇᐅᔭᓂᑦ ᐊᑐᖅᑕᐅᔪᒃᓴᓂᑦ ᐃᑲᔫᑎᒃᓴᓂᑦ ᑮᓇᐅᔭᓕᐅᕋᓱᒃᑐᑦ ᐊᒻᒪ ᐊᓯᕈᓘᔭᖏᓐᓄᑦ.

ᑐᕌᒐᖓᑦ:

IBC-ᑯᑦ ᑐᕋᒐᕆᔭᖓᑦ ᑕᓚᕖᓴᒃᑯᑦ ᕿᒥᕐᕈᓪᓗᑎᒃ ᐃᓄᐃᑦ ᐱᖅᑯᓯᖏᓐᓂᑦ ᐊᒻᒪᓗ ᑕᑯᓐᓇᒐᖏᓐᓂᑦ, ᐊᒻᒪᓗ ᐃᓄᒃᑎᑐᑦ ᐅᖃᐅᓯᖅ ᐊᓯᐅᔨᑦᑕᐃᓕᒪᓪᓗᒍ. ᑖᑯᐊ ᑐᕌᒐᑦᑕ ᐅᖃᐅᓯᖅᑕᖏᑦ ᓇᐃᓈᖅᑐᒃᑯᑦ ᓇᓗᓇᐃᖅᓯᓯᒪᕗᑦ:

ᑐᑭᒧᐊᑦᑎᑦᑎᔨᐅᔪᒍᑦ: IBC-ᑯᑦ ᐋᕿᒃᓱᐃᓲᖑᕗᑦ ᖁᕕᐊᓇᖅᑐᓂᑦ, ᑕᑯᒥᓇᖅᑐᓂᑦ ᐃᓕᑦᑎᕚᓪᓕᕐᓇᖅᑐᓂᑦ ᓴᕿᔮᖅᑎᑦᑎᓲᖑᕗᑦ ᐃᓄᐃᑦ ᐱᖅᑯᓯᖏᓐᓂᑦ ᐃᓄᐃᑦ ᐱᕙᓪᓕᐊᓂᕆᔭᖏᓐᓂᓪᓗ ᐊᔾᔨᐅᖏᑦᑐᓂᑦ.

IBC-ᑯᑦ ᐃᓕᓐᓂᐊᖅᑎᑦᑎᖃᑦᑕᖅᐳᑦ ᒪᒃᑯᒃᑑᔪᓂᑦ ᐃᓄᐃᑦ ᐱᖅᑯᓯᖏᓐᓂᑦ, ᐃᓄᑐᖃᐃᑦ ᓂᐱᖏᓐᓂᑦ ᐊᑐᕐᖢᑎᒃ. ᐊᑦᑕᑕᖅᑎᑦᑎᓪᓗᑎᒃ ᓯᕗᓕᖅᑎᐅᔪᓂᑦ. ᐃᓄᖕᓂᓪᓗ ᐋᔩᖃᑎᖃᖅᐸᒃᖢᑎᒃ ᐃᒻᒪᓂᓴᕐᓂᑦ ᐊᒻᒪᓗ ᓯᕗᓂᒃᓴᑦᑎᓐᓂᑦ.

IBC-ᑯᑦ ᐱᒻᒪᕆᐅᓂᖓ ᐅᖃᐅᓯᕐᓂᑦ ᖃᓄᓕᒫᖅ ᓇᒧᓕᒫᖅ ᓴᓐᖏᔫᓂᖃᕐᖢᓂ ᑕᒪᒃᑯᓂᖓ ᐃᓕᓐᓂᐊᖅᑕᐅᓲᓂᑦ ᑲᑎᖅᓱᐃᕙᓪᓕᐊᓪᓗᑎᒃ, ᐃᓚᓕᐅᔾᔨᓪᓗᑎᒃ ᐃᓕᓐᓂᐊᕈᑕᐅᔪᓐᓇᖅᑐᓂ ᑖᒃᑯᓇᓐᖓᑦ ᓄᓇᖃᖅᑳᖅᑐᑦ ᐅᖃᐅᓯᓕᕆᓂᕐᒧᑦ ᐃᖏᕐᕋᑎᑕᒐᕐᓄᑦ (Aboriginal Language Initiatives) ᐊᒻᒪᓗ ᐅᑭᐅᖅᑕᖅᑐᒥᑦ ᓄᓇᖃᖅᑳᖅᑐᓄᑦ ᑕᕐᕆᔮᔅᓴᓕᐅᖅᑎᑦ ᐃᖏᕐᕋᑎᑕᒐᖏᓐᓄᑦ (Northern Native Broadcast Access Program).

IBC-ᑯᑦ ᐃᖅᑲᓇᐃᔮᒃᓴᓂᑦ ᓴᖅᑭᑎᑦᑎᓲᖑᕗᑦ ᓄᓇᓕᖕᓂᑦ ᐃᖃᓇᐃᔮᒃᓴᑦ ᐊᒥᓲᓐᖏᕕᒡᔪᐊᖅᑎᓪᓗᒋᑦ. ᓴᓇᓐᖏᑦᑐᑦ ᑲᓇᑕᓕᒫᒥᑦ 4ᒥᑦ 6%ᒧᑦ ᖁᕝᕙᓯᓐᓂᖅᓴᐅᓕᖃᑦᑕᖅᑐᑦ IBC-ᑯᑦ ᐃᖅᑲᓇᐃᔮᖅᑖᖅᑎᑦᑎᖃᑦᑕᖅᑐᑎ. IBC-ᑯᑦ ᐃᖅᑲᓇᐃᔭᖅᑎᖃᖅᑐᑦ 26-ᓂᑦ ᐃᓄᐃᑦ ᓄᓇᓕᖏᓐᓂᑦ ᐅᑯᓇᓂ, ᐃᖃᓗᓐᓂᑦ, ᖃᒪᓂᑦᑐᐊᕐᒥ, ᑕᓗᕐᔪᐊᓂᑦ, ᐃᒡᓗᓕᖕᒥ, ᑲᖏᕐᖠᓂᕐᒥᑦ ᐊᒻᒪᓗ ᐋᑐᕚᒥᑦ ᐃᓚᓕᐅᑎᓪᓗᒋᑦ ᐅᓪᓗᓕᒫᖅ ᐃᖃᓇᐃᔭᓲᖑᔪᓂᑦ, IBC-ᑯᑦ ᐊᒻᒪᓗ ICSL-ᑯᑦ ᐃᖅᑲᓇᐃᔭᖅᑎᖃᐅᖅᐳᑦ ᓄᓇᕗᒻᒥᐅᑕᓂᒃ ᐃᓚᖃᕐᖢᑎᒃ ᓂᔾᔭᐅᓯᔭᖅᑎᓂᑦ, ᐃᓄᓐᖑᐊᓕᕆᓂᖅ, ᓂᐱᓕᐅᖅᑎᓂᑦ ᑎᑎᕋᐅᔭᖅᑏᑦ, ᒪᓕᑦᑏᑦ ᐊᒻᒪᓗ ᐊᐅᓚᖅᑏᑦ ᐊᒻᒪᓗ ᑐᓵᔩᑦ. ᓴᖅᑭᑎᑦᑎᓯᒪᕗᒍᑦ ᐃᓄᐃᑦ ᐱᖅᑯᓯᖏᓐᓂᑦ ᐊᔾᔨᒌᓐᖏᑦᑐᓂᑦ ᐃᓕᓐᓂᐊᕈᑎᓂᑦ ᐃᓄᐃᑦ ᐊᒥᓱᑦ ᐃᖅᑲᓇᐃᔮᖃᖅᓯᒪᕗᑦ ᐃᒻᒪᑲᓪᓚᓐᓂᑦ  ᐅᓪᓗᒥᒧᑦ ᑎᑭᑦᑐᒍ.

IBC-ᑯᑦ ᐃᓕᓐᓂᐊᕈᑎᒃᓴᓂᑦ ᐃᓄᖕᓄᑦ ᐊᕌᒍᑦ 25 ᐃᓗᐊᓂ ᓴᖅᑭᑎᑦᑎᓯᒪᕗᑦ ᑕᒪᒃᑯᓂᖓ ᑐᓴᐅᒪᖃᑎᒌᖕᓂᕐᒥᑦ, ᐊᐅᓚᑦᑎᓂᕐᒥᑦ, ᑕᕆᔭᐅᓯᐅᕐᓂᕐᒥᑦ, ᑎᑎᕋᕐᓂᕐᒥᑦ, ᖃᐅᔨᓴᕐᓂᕐᒥᑦ, ᐱᕙᓪᓕᐊᔪᓕᕆᓂᕐᒥᑦ, ᐊᒻᒪᓗ ᑭᒃᑯᑐᐃᓐᓇᕐᓅᖓᓂᖓᓂᑦ ᓴᖅᑭᑕᐅᔪᖅ ᐃᑲᔪᖅᑎᐅᓪᓗᑎᒃ ᐃᓄᖕᓂᑦ ᐃᖅᑲᓇᐃᔮᖅᑖᕈᑕᐅᔪᓐᓇᖅᑐᑦ ᓄᓇᕗᒻᒥᑦ. ᑕᒪᒃᑯᐊ ᐱᓕᕆᐊᒃᓴᐅᓂᐊᖅᑐᑦ ᐃᓚᖃᕐᓂᐊᖅᐳᑦ ᑎᓴᒪᐅᔪᓂᑦ ᓄᑖᖑᔪᓂᑦ ᐃᖃᓇᐃᔮᒃᓴᓄᑦ, ᐃᓚᖃᕐᓂᐊᕆᕗᑦ  ᒐᕙᒪᒃᑯᓐᓄᑦ  ᐃᓕᓐᓂᐊᕈᑎᒃᓴᓂᑦ ᑲᑎᒪᔨᒃᓴᓄᑦ ᐊᒻᒪᓗ ᐱᓕᕆᐊᕆᓇᔭᖅᑕᖏᓐᓂᑦ ᐸᕐᓇᑉᐸᓪᓕᐊᑎᓪᓗᒋᑦ ᑮᓇᐅᔭᓕᕆᓂᕐᒧᑦ ᐊᒻᒪᓗ  ᐱᕙᓪᓕᐊᔪᓕᕆᓂᕐᒧᑦ.

IBC-ᑯᑦ ᑲᒪᒋᔭᖃᖅᐳᑦ ᐱᕈᖅᐸᓪᓕᐊᓪᓗᓂ ᓴᓐᖏᓂᖃᕐᖢᑎᒃ ᐊᒻᒪᓗ ᑐᑭᒧᐊᑦᑎᑦᑎᔨᖃᕐᖢᑎᒃ. ᐃᓄᐃᑦ ᐊᒥᓲᕗᑦ ᓯᕗᓕᖅᑎᐅᓕᖅᑐᑦ —  ᒪᓕᒐᓕᕆᓂᒃᑯᑦ ᐊᒻᒪᓗ ᐃᓕᖅᑯᓯᓕᕆᓂᒃᑯᑦ ᐃᖅᑲᓇᐃᔭᖃᑦᑕᖅᓯᒪᔪᑦ IBC-ᑯᓐᓂᑦ ᑐᑭᒧᐊᑦᑎᑦᑎᔨᐅᓪᓗᑎ, ᐊᖓᔪᖅᑳᖑᓪᓗᑎ ᐊᒻᒪᓗ ᓇᑲᑎᕆᔨᐅᓪᓗᑎ.

IBC-ᑯᑦ ᑭᒡᒐᖅᑐᐃᕗᑦ ᓄᓇᕗᒻᒥᑦ ᑲᓇᑕᒥᓪᓗ ᐃᓚᐅᓪᓗᑎᒡᓗ ᐊᕐᕌᒍᒐᓴᖕᓂᑦ ᐃᓚᒋᔭᐅᓪᓗᑎᒃ ᓲᕐᓗ ᑭᒡᒐᖅᑐᐃᓪᓗᑎᒃ  ᐃᓚᐅᕙᒃᖢᑎᒃ ᑲᑎᒪᔪᓂᑦ ᐊᒻᒪᓗ ᓴᖅᑭᑎᑦᑎᔨᐅᖃᑕᐅᒡᓗᑎ. ᐃᓚᒋᔭᐅᓪᓗᑎᒡᓗ ᑖᒃᑯᓇᓐᖓᑦ ᐊᔾᔩᑦ ᓄᓇᕗᒻᒥᑦ ᑕᑯᓐᓇᒐᒃᓴᓕᕆᔨᒃᑯᑦ ᑲᑐᔾᔨᖃᑎᒌᖓᓐᓄᑦ (Ajjiit Nunavut Media Association), IBC-ᑯᑦ ᐃᓚᒋᔭᐅᓕᕐᓂᑰᕗᑦ ᓄᓇᕐᔪᐊᕐᒥᑦ ᑕᐅᖅᓰᓂᒃᑯᑦ, ᐊᒻᒪᓗ ᐃᓗᖏᖅᓱᓂᒃᑯᑦ ᐃᑲᔪᖅᓱᑕᐃᑦᑎᐊᕐᖢᑎᒃ ᑕᒫᓂ ᓄᓇᕗᒻᒥᑦ ᓄᓇᖃᖅᑳᖅᑐᓄᑦ ᐊᒻᒪᓗ ᓄᓇᕐᔪᐊᑉ ᐊᓯᖏᓐᓃᖔᖅᑐᓂᑦ ᐃᓐᖏᖅᑎᓄᑦ ᑎᑎᕋᐅᔭᖅᑎᓄᒡᓗ, ᐱᓕᕆᐊᖏᑎᒍᑦ, IBC-ᑯᑦ ᑐᓴᖅᑎᑦᑎᓯᒪᕗᑦ ᑲᓇᑕᓕᒫᒥᑦ ᐃᓄᐃᑦ ᐱᖅᑯᓯᖏᓐᓂᑦ ᐊᒻᒪᓗ ᐅᖃᐅᓯᖏᓐᓂᑦ ᐊᒻᒪᓗ ᐊᑐᐃᓐᓇᐅᒪᑎᑦᑎᖃᑦᑕᖅᓯᒪᕗᑦ ᐃᖅᑲᓇᐃᔭᕐᕕᐅᔪᓄᑦ ᐃᒻᒥᒃᑰᖓᔪᑎᒍᑦ ᑐᑭᒧᐊᑦᑎᓂᑦ ᐊᒻᒪᓗ ᓄᓇᕗᒻᒥᐅᑕᓂᑦ ᐱᔪᓐᓇᖅᓯᕙᓪᓕᐊᔪᓂᑦ.

IBC-ᑯᑦ ᖁᕝᕙᖅᑎᕆᕙᒃᐳᑦ ᒪᒃᑯᒃᑑᔪᓂᑦ ᐱᔾᔪᓯᐊᖅᑖᖃᑦᑕᖅᓯᒪᔪᓂᑦ  ᓄᑕᖅᑲᓄᑦ ᐃᓕᓐᓂᐊᕈᑎᓂᑦ ᐃᓕᓴᕆᔭᐅᔾᔪᑎᖏᑦ ᒪᒃᑯᒃᑑᔪᑦ ᓄᓇᕗᒻᒥᑦ ᐃᓄᒃᑎᑐᑦ ᐅᖃᐅᓯᖃᖅᑎᓪᓗᒋᑦ. IBC-ᑯᑦ ᓴᕿᔮᖅᑎᑦᑎᖃᑦᑕᖅᐳᑦ ᐃᑲᔪᕐᖢᑎᒡᓗ ᐃᓚᐅᒡᓗᑎᒡᓗ ᐊᔭᐅᕆᓇᓱᒃᑐᑎ ᒪᒃᑯᒃᑑᔪᓂᑦ ᐊᔪᓐᖏᑦᑐᓂᑦ ᐃᓕᓐᓂᐊᕈᑎᓂᓪᓗ ᐱᓐᖑᐊᖅᑎᓂᒡᓗ ᓇᒧᑦ ᐃᖅᑲᓇᐃᔭᕆᐊᕋᔭᕐᓂᖏᓐᓄᑦ ᑕᐃᒃᑯᐊ ᒪᒃᑯᒃᑐᓕᕆᒡᕕᒃᓴᐅᓇᔭᖅᑐᑦ ᐃᑲᔪᖅᑕᐅᑦᑎᐊᕋᔭᖅᑐᑦ ᐅᑯᓇᓐᖓᑦ ᐊᕐᓇᓅᖓᔪᖅ ᑕᓚᕖᓴᑯᑦ ᐊᕐᓇᓗᑲᕐᓄᑦ ᐱᓕᒻᒪᔅᓴᐃᕕᒃ (Women’s Television Network Girls TV Camp), ᐊᒻᒪᓗ ᐊᓯᕈᓘᔭᖏᓐᓂᑦ ᐊᕐᕌᒍ ᒪᕐᕉᓕᖅᑑᒃ ᑖᑯᐊ IBC-ᑯᑦ ᓴᖅᑭᑎᑦᑎᓯᒪᕗᑦ ᖃᓄᐃᓕᐅᕈᑕᐅᔪᓐᓇᖅᑐᓂᑦ (ᓲᕐᓗ ᐃᓄᓐᖑᐊᓕᐅᕆᐅᖅᓴᕐᓂᕐᒥᑦ ᑕᑯᒋᓇᐃᒃᑯᑎᒍᑦ ᓴᖅᑭᔮᖅᑎᑕᐅᓇᔭᖅᑐᓂᑦ) ᓄᑕᖅᑲᓄᑦ ᐊᒻᒪᓗ ᒪᒃᑯᒃᑐᓄᑦ ᖁᕕᐊᓲᑕᐅᓇᔭᖅᑐᑦ ᓲᕐᓗ ᐊᓕᐊᓇᐃᑦ (Alianait)  ᐊᑕᐅᑦᑎᒦᒍᑕᐅᓕᕌᖓᑦ.

(ᐊᕐᕌᒍᑕᒫᖅᓯᐅᑎᓂᑦ  ᑭᐅᔭᕆᐊᖃᐃᓐᓇᐅᔭᖅᐳᒍᑦ) IBC-ᑯᑦ ᑮᓇᐅᔭᓂ ᐊᑐᖃᑦᑕᖅᐳᑦ 2.5 ᒥᓕᐊᓐᓂᑦ 3.5 ᒥᓕᐊᓐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖃᑎᒌᑦᑎᐊᕐᖢᑎᒡᓗ ᐃᑲᔪᖅᑎᒌᑦᑎᐊᕐᖢᑎᒡᓗ ᖃᐅᔨᒪᖃᑦᑕᐅᑎᑦᑎᐊᕐᖢᑎᒡᓗ ᐊᐅᓚᑦᑎᖃᑎᒌᑦᑎᐊᕐᖢᑎᒡᓗ ᑲᓇᑕᒥ. ᐊᑭᓕᒃᓴᖅᑖᓚᐅᖅᓯᒪᓐᖏᑦᑐᒍᑦ, ᐊᑭᓕᖅᓱᐃᑦᑎᐊᓲᖑᕗᒍᑦ ᑭᖑᕙᖅᐸᖕᓇᑕ ᐊᒻᒪᓗ ᐊᖏᕈᑎᒥᑦ ᐊᑐᑦᑎᐊᖅᐸᒃᖢᑕ.

IBC-ᑯᑦ ᓯᕗᓕᖅᑎᐅᓕᖅᐳᑦ ᐋᕿᒃᓱᐃᓂᕐᒥᑦ ᐊᑐᓕᖅᑎᑦᑎᓂᕐᒥᒡᓗ ᐸᕐᓇᐅᑎᓕᐊᖑᓯᒪᔪᓂᑦ ᐸᕐᓇᐅᑎᓕᐅᕐᓂᕐᒥᑦ ᓴᖅᑭᑎᑦᑎᓂᕐᒧᑦ TV Nunavut-ᒥᑦ ᐊᖑᒻᒪᒃᑎᓇᓱᒃᖢᑎ ᐃᓄᐃᑦ ᐅᖃᐅᓯᖓᓐᓂᑦ ᓴᓐᖏᓕᖅᑎᑦᑎᓇᓱᒃᑐᑎᒡᓗ.