ᐱᔪᑎᓕᒃ ᓄᓇᕗᒻᒥᑦ ᑐᓴᒐᒃᓴᕐᓂᐊᕐᕕᒃᓴᒥᑦ

ᑕᐃᓐᓇ ᐃᓂᒃᓴᐅᔪᖅ ᐋᖅᑭᒃᓯᒪᓕᕇᖅᑎᓪᓗᒍ ᑐᒃᓯᕋᐅᑎᒋᔭᖓᑦ ᐊᖏᓂᖃᕋᔭᖅᑐᖅ 8000 sq ft ᐃᖃᓗᓐᓂ. ᑖᓇ ᐃᒡᓗ ᓴᓇᔭᐅᓗᓂ ᐊᑭᖃᕋᔭᖅᑐᖅ $5,000,000 ᒥᓕᐊᓐᓂᑦ ᑭᓱᓕᒫᑦ ᐃᓚᓕᐅᑎᓪᓗᒋᑦ ᑎᑭᐅᑎᓇᔭᖅᑐᖅ ᑕᐅᕗᖓ $8,300,000 ᒥᓕᐊᓐᒧᑦ ᐃᓚᐅᑎᓪᓗᒋᑦ ᑕᒪᑯᐊ ᐊᑐᖅᑕᐅᔪᒃᓴᑦ ᓲᕐᓗ ᓄᓇᖓᑕ ᐃᓂᖓ, ᐃᖏᕋᔾᔪᑎᕈᔪᐃᑦ, ᐃᖃᓇᐃᔭᖅᑎᐅᓇᔭᖅᑐᓄᑦ, ᐊᐅᓚᑦᑎᔩᑦ, ᐊᖓᔪᖅᑳᖅ ᓱᓇᒃᑯᑖᒃᓴᖏᓐᓄᒡᓗ.

ᑖᓐᓇ ᑎᑎᕋᕐᕕᒃᑖᖑᔪᖅ ᐅᑯᓂᖓ ᐃᓗᓕᖃᕈᒫᖅᑐᖅ:

– ᑭᓱᓕᒫᑦ ᐊᑐᖅᑕᐅᓇᔭᖅᑐᑦ ᑎᑎᕋᐅᔭᖅᑎᒃᓴᓂᑦ, ᓂᐱᓕᐅᕆᕕᐅᓇᔭᖅᑐᒥᑦ, ᐱᖑᐊᕐᕕᐅᓇᔭᖅᑐᒥᑦ, ᑐᓴᐅᒪᕕᐅᓗᓂᓗ ᓄᓇᕗᒻᒥ, ᐊᑐᖅᑐᐊᖅᑕᐅᖃᑦᑕᕋᔭᕐᓗᓂ ᑭᒃᑯᑐᐃᓐᓇᕐᓄᑦ, ᐱᓐᖑᐊᖅᑎᐅᔪᓄᑦ, ᑎᑎᕋᐅᔭᖅᑎᐅᔪᓄᓪᓗ ᐊᒻᒪᓗ ᓄᓇᓕᖕᓂᑦ ᐃᖅᑲᓇᐃᔭᕐᕕᐅᔪᓂᑦ ᓄᓇᕗᒻᒥᑦ.

– ᑕᕐᕆᔭᐅᓯᐅᕐᕕᒃᓴᒥᑦ ᐊᑑᑎᖃᕋᔭᖅᑐᖅ ᓄᓇᕗᒻᒥᑦ ᖁᓐᖏᐊᕐᕕᐅᓗᓂ ᐃᓄᒋᐊᑦᑐᓐᓇᕐᓗᑎᓪᓗ ᐅᐸᒍᑎᔪᑦ.

– ᐃᓂᒋᔭᐅᖃᓯᐅᑎᓗᓂᓗ ICSL-ᑯᓐᓄᑦ ᐃᓄᐃᑦ ᑐᓴᒐᒃᓴᓕᕆᔨᑯᖏᓐᓄᑦ.

ᓄᓇᕗᒻᒥᑦ ᑐᓴᒐᒃᓴᓂᐊᕐᕕᒃᓴᖅ ᐊᒻᒪᓗ ᑕᑯᕋᓐᓈᒐᕐᓄᑦ ᐅᐸᑲᖅᑕᕐᕕᒃ ᐊᑐᐃᓐᓇᖃᕈᒫᖅᑯᖅ ᓴᓇᕕᒃᓴᓂᑦ ᖃᕋᓴᐅᔭᒃᑰᖓᔪᓂᑦ ᐅᓪᓗᒥ ᐊᑐᐃᓐᓇᐅᖏᑦᑐᓂᑦ ᐃᓪᓗᖁᑎᒋᔭᖓᓂᑦ – ᖁᕝᕙᓯᓐᓂᖅᐹᒥᑦ ᓴᓇᔾᔪᑎᖃᕈᒫᖅᑐᖅ, ᓇᓕᒧᒌᒐᑎᓪᓗ (ᓲᕐᓗ ᖁᒻᒧᐊᑦᑎᑕᐅᓯᒪᔪᒃᑰᓕᖓᔪᓂᑦ) ᓇᑲᑎᕆᔾᔪᑎᓂᑦ ᐊᒻᒪᓗ ᑕᕐᕆᔮᔅᓴᓄᑦ ᑐᖅᑯᐃᕕᖃᕐᓗᑎ. ᐃᓪᓗᖁᑎᒋᔭᐅᔪᒫᖅᑐᖅ ᓴᖅᑮᔪᒫᖅᑯᖅ ᐊᔾᔨᐅᖏᓐᓂᕐᒥᑦ ᐊᒻᒪᓗ ᐱᕚᓪᓖᓗᑎ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᑦ ᑲᓇᑕᒥ ᐋᖅᑭᔅᓲᑎᒋᕙᑦᑕᖏᓐᓂᑦ, ᑮᓇᐅᔭᓕᐅᕈᑎᒋᕙᑦᑕᖏᓪᓗ ᖁᕝᕙᓯᓛᖅᑐᑎ ᐊᒻᒪᓗ ᐊᐅᓚᑦᑎᓕᕐᓗᑎ ᓄᑖᓂᑦ ᐃᖅᑲᓇᐃᔭᖅᑎᑖᖅᓱᕐᓗᑎ ᐃᓐᖏᕐᑎᓂᑦ, ᐊᑐᖅᑐᐊᕋᔭᖅᑐᓂᓪᓗ ᐃᓪᓗᖁᑎᐅᑉ ᐊᑐᐃᓐᓇᐅᒪᑎᑕᖏᓐᓂᑦ ᐊᒻᒪᓗ ᑕᑯᕋᓐᓈᖅᑎᓂᑦ ᓄᓇᕗᒻᒥᑦ ᐊᓯᖏᓐᓂᒥᐅᑕᓂᓪᓗ.

ᓄᓇᕗᒻᒥᑦ ᑐᓴᒐᒃᓴᓂᐊᕐᕕᒃ ᐊᒻᒪᓗ ᑕᑯᕋᓐᓈᒐᒃᓴᓄᑦ ᐅᐸᑲᖅᑕᕐᕕᒃ ᐃᓂᖃᕈᒫᖅᑐᖅ ᐃᓄᐃᑦ ᑕᕐᕆᔮᖏᓐᓂᑦ ᑐᖅᑯᐃᕕᒻᒥᑦ, ᐸᐸᓐᓂᐊᕕᒻᒥᑦ, ᐃᓕᐅᖅᑲᐃᕕᒻᒥᑦ, ᖃᕋᓴᐅᔭᒨᖅᑐᐃᕕᒻᒥᑦ ᐊᒻᒪᓗ ᑐᖅᑯᐃᕕᒻᒥᑦ ᑕᕐᕆᔮᑐᖃᕐᓂᑦ ᐊᒻᒪᓗ ᐃᓄᓐᓄᑦ ᑕᑯᓐᓇᒐᒃᓴᓕᐊᖑᓯᒪᔪᑦ 1970-ᖏᓐᓂᓂᑦ – ᐃᓇᖏᕋᔅᓴᐅᖏᑦᑐᑦ ᐃᓕᖅᑯᓯᑦᑎᓐᓅᖓᔪᑦ ᐱᓪᓗᕆᑦᑐᑦ.

ᐅᐸᑲᖅᑕᕐᕕᒃ ᐃᑲᔪᖅᑐᐃᓛᖅᑐᖅ ᑲᔪᓯᐅᒪᐃᓐᓇᖅᑐᒥᑦ ᐊᒻᒪᓗ ᐊᑑᑎᓕᒻᒪᕆᒻᒥᑦ ᐱᕚᓪᓕᖁᓪᓗᒋᑦ ᐃᖅᑲᓇᐃᔮᑦ ᐊᒻᒪᓗ ᐊᑐᐃᓐᓇᐅᒪᖁᓪᓗᒋᑦ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᑦ ᑲᓇᑕᒥᑦ ᐊᒻᒪᓗ ᐊᓯᖏᓐᓄᑦ ᐋᖅᑭᔅᓱᐃᔨᓄᑦ ᓄᓇᕗᒻᒦᑦᑐᓄᑦ ᐱᓕᕆᕕᒻᓄᑦ ᐱᓕᕆᔨᓄᓪᓗ ᐊᕕᑦᑐᖅᓯᒪᔪᓃᑦᑐᓄᑦ ᐊᒻᒪᓗ ᐅᖓᑎᖏᓐᓃᑦᑐᓄᑦ, ᓄᓇᕗᒻᒥᑦ ᐃᓘᓐᓇᖏᑦ ᓴᓇᓂᐅᕙᑦᑐᑦ ᐱᕚᓪᓕᕐᓗᑎ. ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᑦ ᐱᔪᓐᓇᕐᓂᖏᑦ ᐱᓂᐊᕐᓂᖏᓪᓗ ᐃᖏᕐᕋᑎᑕᒐᖏᓐᓄᑦ ᖁᕝᕙᕆᐊᓪᓚᓛᖅᑐᖅ ᐃᓕᑉᐹᓪᓕᕈᑕᐅᓗᑎ ᐃᓄᐃᑦ ᐃᓕᖅᑯᓯᖓᓐᓂᑦ ᐊᒻᒪᓗ ᑕᐅᑦᑐᖏᓐᓂᑦ ᑕᑯᕋᓐᓈᖅᑎᒋᔭᖏᓐᓄᑦ ᐊᒻᒪᓗ ᐊᓯᒃᑲᓐᓂᖏᓐᓄᑦ ᐊᒻᒪᕆᐊᓪᓚᓪᓗᓂ. ᐅᐸᑲᖅᑕᕐᕕᒃ ᓄᓇᕗᒻᒥᑦ ᑐᖅᑲᑕᕐᕕᐅᔪᒫᖅᑐᖅ ᑕᑯᔭᒐᖃᕐᓗᓂ ᐊᒻᒪ ᑕᑯᕋᓐᓈᒐᔅᓴᖅᑕᖃᕐᓗᓂ ᐃᖃᓗᒻᒥᐅᑕᓄᑦ ᓂᐅᕐᕈᐊᓄᓪᓗ ᐃᖃᓗᓐᓂᑦ. ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᑦ ᑮᓇᐅᔭᖃᖅᑎᑦᑎᒋᐊᔅᓵᖅᑯᑦ ᑖᔅᓱᒧᖓ ᐃᖏᕐᕋᑎᑕᒐᕐᒧᑦ ᑐᓂᕐᕈᑎᓄᑦ ᒐᕙᒪᑐᖃᒃᑯᓐᓂᑦ, ᐊᕕᑦᑐᖅᓯᒪᔫᑉ ᒐᕙᒪᖓᓂᑦ, ᑮᓇᐅᔭᖃᖅᑎᑦᑎᓲᓂᑦ ᐃᒻᒥᒃᑰᓕᖓᔪᓂᑦ ᐊᓯᖏᓐᓂᓪᓗ ᑭᒃᑯᑐᐃᓐᓇᕐᓅᖓᔪᓂᑦ ᐃᓄᓐᓂᓪᓗ ᑐᓂᕐᕈᑎᓂᑦ.

ᖃᐅᔨᒪᔾᔪᑎ: ᐸᐸᓐᓂᐊᕐᓂᖅ ᐃᒻᒪᑲᓪᓚᓕᓴᕐᓂᑦ, ᐱᓐᖑᖅᑎᑦᑎᓂᖅ ᓯᕗᓂᑦᑎᓐᓂᑦ
FACT SHEET: Preserving the Past, Building the Future (Inuktitut) >>

FACT SHEET: Preserving the Past, Building the Future (English) >>